കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്നതാണ് ഈ ചട്നി.
ചേരുവകൾ
തക്കാളി – 2
പച്ചമുളക് – 2
പുളി – 1 ചെറിയ കഷണം
എണ്ണ – 2 ടേബിൾസ്പൂൺ
ചെറുപയർ – 1 ടേബിൾസ്പൂൺ
ഉഴുന്ന് പരിപ്പ്- 1 ടീസ്പൂൺ
വെളുത്തുള്ളി – 10 അല്ലി
ഇഞ്ചി – 1 ചെറിയ കഷണം
ചെറുപയർ – 1 പിടി
കറിവേപ്പില – 2 തണ്ട്
മല്ലിയില – 1 പിടി
തേങ്ങ – 2 ടേബിൾസ്പൂൺ (ചതച്ചത്)
ഉപ്പ് – ആവശ്യത്തിന്
കടുക് വറുക്കാൻ
എണ്ണ – 2 ടേബിൾസ്പൂൺ
കടുക് – 1 ടീസ്പൂൺ
ചെറുപയർ – 1/2 ടീസ്പൂൺ
ഉഴുന്ന് പരിപ്പ് – 1/2 ടീസ്പൂൺ
കറിവേപ്പില – 1 കുല
തയാറാക്കുന്ന വിധം
ആദ്യം ഒരു പാൻ അടുപ്പിൽ വെച്ച് അതിലേക്ക് വെളിച്ചെണ്ണ ഒഴിച്ച് ചൂടായതിന് ശേഷം ഉലുവ, ഉഴുന്ന് പരിപ്പ് എന്നിവ ചേർത്ത് ഗോൾഡൻ നിറത്തിൽ വഴറ്റുക. ശേഷം ഇഞ്ചിയും വെളുത്തുള്ളിയും ചേർത്ത് 1 മിനിറ്റ് വഴറ്റുക.
ശേഷം അതിലേക്ക് ചെറിയ ഉള്ളി ചേർത്ത് അൽപ സമയം വഴറ്റിയെടുക്കണം
പിന്നീട് കായം, കറിവേപ്പില എന്നിവ ചേർത്ത് 1 മിനിറ്റ് വഴറ്റുക. അടുത്തതായി മല്ലിയില വെള്ളത്തിലിട്ട് കഴുകി വൃത്തിയാക്കി ഇതിലേക്ക് ചേർത്ത്, നല്ലതുപോലെ വഴറ്റിയെടുക്കുക.
പിന്നീട് തേങ്ങ ചേർത്ത് അൽപസമയം വഴറ്റിയെടുക്കണം, എന്നിട്ട് ഒരു പ്ലേറ്റിൽ വെച്ച് തണുപ്പിക്കാം. ശേഷം അതേ പാൻ അടുപ്പിൽ വെച്ച് എണ്ണ ഒഴിച്ച് ചൂടാക്കി തക്കാളി, പച്ചമുളക്, പുളി എന്നിവ ചേർത്ത് തക്കാളി മൃദുവാകുന്നത് വരെ വഴറ്റിയെടുക്ക് നല്ലതുപോലെ തണുക്കാൻ വെക്കുക
ശേഷം വഴറ്റിയ ചേരുവകൾ ഒരു മിക്‌സർ ജാറിൽ ഇട്ട് പാകത്തിന് ഉപ്പ് ചേർത്ത് കുറച്ച് വെള്ളം ഒഴിച്ച് നന്നായി അരച്ചെടുക്കുക. അവസാനം ഒരു പാൻ അടുപ്പിൽ വെച്ച് അതിൽ എണ്ണ ഒഴിച്ച് ചൂടാക്കി കടുക് ഇട്ട് താളിച്ച് ഉഴുന്ന് പരിപ്പ്, ഉലുവ, കറിവേപ്പില എന്നിവ താളിച്ച് ചട്നിക്കൊപ്പം ചേർത്ത് നോക്കൂ, നല്ല കിടിലൻ തക്കാളി മല്ലിയില ചട്നി തയാർ.
