നഗ്നരായി എത്തേണ്ട ഭക്ഷണശാല അടച്ചു പൂട്ടി

നഗ്നരായി എത്തേണ്ട ഭക്ഷണശാല അടച്ചു പൂട്ടി 2017 നവംബറിലാണ് ഒ നാച്ചുറല്‍ റെസ്റ്റൊറന്റ് പാരീസില്‍ പ്രവര്‍ത്തനം ആരംഭിക്കുന്നത് ഭക്ഷണം രുചിക്കാന്‍ എത്തുന്നവര്‍ നഗ്നരായി എത്തേണ്ട പാരീസിലെ ഭക്ഷണശാല അടച്ചുപൂട്ടുന്നു. വിവാദങ്ങളോ അതിക്രമങ്ങളോ കാരണം നഗ്നരായി ഈ ഭക്ഷണശാലയില്‍ എത്തി ഭക്ഷണം കഴിക്കാന്‍ ആളില്ലാത്തതിനാലാണ് സ്ഥാപനത്തിന് പൂട്ട് വീഴുന്നത്. ഒ നാച്ചുറല്‍ എന്നാണ് ഭക്ഷണശാലയുടെ പേര്. 2017 നവംബറിലാണ് ഒ നാച്ചുറല്‍ റെസ്റ്റൊറന്റ് പാരീസില്‍ പ്രവര്‍ത്തനം ആരംഭിക്കുന്നത്. മൈക്ക്, സ്റ്റീഫന്‍ എന്ന ഇരട്ട സഹോദരങ്ങളുടെ ആശയത്തിലായിരുന്നു നഗ്ന റെസ്റ്റൊറന്‍റ് ആരംഭിച്ചത്. എന്നാല്‍ ഒരു വര്‍ഷം പിന്നിടുമ്പോള്‍ ആരും റെസ്റ്റൊറന്റിലേക്ക് എത്താനില്ലാത്ത അവസ്ഥയാണ്. ഒ നാച്ചുറലില്‍ എത്തിയാല്‍ ഏത് സമയവും നഗ്നരായി ഭക്ഷണം കഴിക്കാവുന്നതാണ്. ഇവിടെ എത്തിയാല്‍ ആദ്യം പോകേണ്ടത് ചേയ്ഞ്ച് റൂമിലേക്കാണ്. ഇതിന് ശേഷമേ വാഷ് റൂമിലേക്ക് പോകേണ്ടതുള്ളൂ. ചെയ്ഞ്ച് റൂമില്‍ വസ്ത്രവും, മൊബൈലും, ക്യാമറയുമെല്ലാം ലോക്കറില്‍ വെക്കണം. പിന്നീടാണ് തീന്‍ മേശയിലേക്ക് എത്തുന്നത്. ക്യാമറയും, മൊബൈല്‍ഫോണും റെസ്റ്റൊറന്റില്‍ ഉപയോഗിക്കാന്‍ അനുവാദമില്ല. ഇവിടെ നിന്നും ലഭിക്കുന്ന ഒരു ചെരുപ്പ് മാത്രം ധരിച്ചാണ് ഭക്ഷണം കഴിക്കാനിരിക്കുന്നത്. എന്നാല്‍ റെസ്റ്റൊറന്റിലെ വെയ്റ്റര്‍മാര്‍ വസ്ത്രം ധരിച്ചാണ് ഭക്ഷണവുമായി വരുന്നത്.